வறுமை

எட்டிப் பார்க்கும் குட்டிப் பொண்ணு/
வாட்டம் தீர்க்க நோட்டமிடுது கண்/
எட்டா உயரக் குப்பைத் தொட்டி/
கொட்டிக் கிடக்குமோ ரொட்டித் துண்டு/

நாற்றம் சகித்து தவிக்குது பசி வயிறு/
தொற்றுக்கள் வாழும் உணவுக்கு ஏங்குது மனது/
வறுமை இளமையில் கொடிது கொடிது/
சிறு மலருக்குள் படியுது வலி/

ஆகாரம் இல்லாத வாழ்வின் துயர்/
ஆதாரம் தெருவோர குப்பைத் தொட்டி/
சிறகறுந்த சின்னச் சிட்டின் ஒலியில்/
வருந்துதே மனம் கண்ணீரும் கசியுதே/

ஜன்ஸி கபூர்
13.06.2020