பேசும் புகைப்படங்கள்

இருள் மேகம் தொலைவில் அலையும்

ஓளி கொஞ்சம் சிரித்துச் சிதறும்

விழி கூர்ந்து பார்க்கும் நீட்சியில்

இயற்கை கொஞ்சம் எழிலோடு கெஞ்சும்

வாழ்க்கை  நினைவுகளை மீட்ட வைக்கும்

நிழல் ஓவியங்களும் தொடர்பாடல் மொழியே 

தொலைநோக்கும் இலக்கும் உத்திப் பார்வைகளும்

காணும் காட்சிகளைப் பேச வைக்கும்

தரிசிப்பில்  மன எண்ணங்கள் பிசைந்து

தன் அறிவோடு கனவுகளைக் கலந்து

கருத்தோடு உயிரோட்டமான புகைப்படங்களைக் கலையாக்கும்

கலைஞன் காலம் வென்ற வரலாகின்றான்

ஜன்ஸி கபூர்