சொற்ப வாழ்வையும் கரைக்கும்
விஷ நீர்!
வாலிப மயக்கங்களுக்காக
போர்த்தப்படும் மேலாடை!
தரை தொட்ட வியர்வை உலர முன்னர்
உடல் உருக்குலைக்கும் அக்கினி!
வெறும் வயிறை வேக வைத்து
உயிருக்குள் விசம் தடவும் போதை!
உறவுகள் அறுந்து போக- சோக
வரவுகளை ஆட்சேர்க்கும் ஒப்பந்தம்!
ஒவ்வொரு நிச்சயமற்ற விடியலுக்குள்ளும்
தள்ளி விடும் மரண ஒத்திகை!
வாழ்வை மயானமாக்க
இதோ சொகுசுப் பயணம்!
- Jancy Caffoor-
09.04.2013
No comments:
Post a Comment
என் கவிதாயினியில் விழி பதித்த உங்களுக்கு நன்றி......
என் பதிவு தொடர்பான உங்கள் விமர்சனங்கள் இன்னும் என் எழுத்துக்களைச் செம்மைப்படுத்தும்!