மனதை வருடுகின்ற உன் நினைவில்/
மயங்கிக் கிடக்கிறேன் தேகம் சிலிர்க்கவே/
கனவும் விரிக்கின்ற உன் வதனமதை/
நினைவுக்குள் ஏந்தித் துடிக்கின்றேன் தினமும்/
அன்புச் சாறும் பிழிந்தே நனைக்கும்/
உன் புன்னகைக்குள் கரைகிறேனே காதலில்/
நீ வீசுகின்ற பார்வைத் தென்றல்/
எனைத் தழுவுகையில் சுவாசமே நீயாக/
மறக்கின்றேன் என்னையே நறவுச் சிற்பமே/
அழியாத நினைவுக் கலவைக்குள் வார்க்கின்ற/
அழகு தேவதையே உந்தன் மௌனமும்/
இம்சிக்கிறதே இதயத்தினை சுந்தர வலியுடனே/
நீ உதிர்க்கின்ற சுவடுகள் பூக்கின்றதே/
நீளுகின்ற நம் அன்பினை ரசித்தே/
நினைவுகளும் முக்காடிடுமோ காலத் திரையில்/
அணைக்கக் காத்திருக்கிறேன் உனைச் சூடவே/
என்னுயிரே உனை நினைக்காத நேரமில்லை/
கண்பூத்துக் காத்திருக்கிறேன் நீயும் வரும்வரை/
ஜன்ஸி கபூர்
------------------------------------------------------------------------------------------------------------
No comments:
Post a Comment
என் கவிதாயினியில் விழி பதித்த உங்களுக்கு நன்றி......
என் பதிவு தொடர்பான உங்கள் விமர்சனங்கள் இன்னும் என் எழுத்துக்களைச் செம்மைப்படுத்தும்!