தணியாத தாகம்

தொண்டையும் நனைத்திட ஊற்றிடும் நீர்தான்/

எண்ணத்தின் துடிப்பை குளிர்த்துமோ தினமும்/

திரையும் உண்டோ தணியாத தாகத்திற்கே/

நரையில்லா வாலிப மிடுக்கில் தாகமே/

மலரும் தழுவும் நறுமணத்தின் ஈர்ப்பில்/

கலையாத கனவுகளும் நீளுமே இலக்கில்/

அமிர்தத் தமிழின் கிரீடமாக அவனியும்/

அழகாகுமே அறிவைத் தேடும் பயணத்திலே/

கற்கும் கல்வியும் நற்குடியாக மாறிட/

பற்றுமே அறிவும் ஆளுமையும் சிந்தைக்குள்/

கறை நீக்கி சுதந்திரத்தினை ஆளவே/

மறை தரும் ஒழுக்கத்தைத் தேடுவோமே/

ஜன்ஸி கபூர் - 24.09.2020