அந்தந்த நேர வேடங்கள்

கருவறை சீராட்டும் உயிருக்கில்லை மாசு

உரு மாறும்போதே இழிகுணங்களும் வீசும்

உள்ளம் குமுறும் வெஞ்சினம் மறைத்தே

உதடுகள் குலாவும் நறுஞ்சுவைத் தேனில்

பச்சோந்தி மனமது பந்தலிடும் இழிகுணங்களும்

மெச்சிடும் உருவேற்று உலாவிடும் தீதுக்காக

இணையும் கரமதும் சுமக்கும் துரோகத்தை

இனித்திடும் வார்த்தைக்குள்ளும் ஊறிடும் நஞ்சும் 

இருப்பிடச் சூழ்நிலையின் உணர்வோடு வாழ்ந்திடும்

இவ்வுலக மாந்தரெல்லாம் மேடை நடிகரே மனமதில்

ஜன்ஸி கபூர்