நலமோடு வாழ

பறக்குது காற்றிலே கொரோனாக் கொடி/

பதறித் துடிக்குது பாரும் நோய்முற்றி/

உதறுது ஆரோக்கியம் உயிரை வருத்தியபடி/

உழைப்போ ஏதுமின்றி உறங்குது ஊரடங்கில்/

உன்னத மனிதமும் உறவின் அருமையும்/

உணர்த்திய பாடங்களாம் உருண்டன நெஞ்சோடு/

இறுமாப்பில் நிமிர்ந்தோரும் இன்னலுடன் தலைகுனிந்தே/

வறுமைச்சுவை தானறிந்தே வாழ்வையும் புரிந்தனரே/

முகக்கவசம் மூச்சுக்காற்றின் முத்தமாய் அலைந்ததுவே/

அகக்கண்ணிலோ அச்சம் மொத்தமாய் வீழ்ந்ததுவே/

முத்திரையாம் கைக்கவசமும் இடைவெளியும் நலமாகும்/

முடிவுரையாய் ஆரோக்கியப் பயிற்சியும் நமதாகும்/

ஜன்ஸி கபூர் - 09.07.2020