தடம் மா(ற்)றும் எதிர்காலம்

நவீனத்தின் உருமாற்றம் மதியதை மயக்க/

நாகரிக மோகமும் வாலிபத்தை வீழ்த்தும்/

நாடித்துடிப்போடு கைபேசி அலைவின் சுதந்திரமும்/

நாளைய சந்ததியின் உறவுகளை உடைத்தெறியும்/

இயந்திரச் சுழற்சியாய் இசைந்திடும் வாழ்வில்/

இதயங்களும் தானறியாது அன்பின் அருமைதனை/

இடரறுக்கும் வலிமையின்றி மரணத்துள் வீழும்/

இளையோரின் தன்னம்பிக்கையும் சுருங்கும் தானாய்/

உழைக்கும் கரங்களும் கரைக்கும் பணத்தை/

உறுஞ்சுமே நாவும் போதை மதுவை/

உன்னதப் பணியாற்றும் பண்பாடும் கலாசாரமும்/

உடைகையில் எதிர்காலமும் தடம் மா(ற்)றுமே/

ஜன்ஸி கபூர் - 28.07.2020