வாழ்க்கை வாழ்வதற்கே

தள்ளாடும் முதுமை  தளராத தன்னம்பிக்கை/

உள்ளத்து உறுதி  உடைந்திடாத உயர்வு/

எள்ளி நகையாடுவோர் புறந்தள்ளும் வீரம்/

வெள்ளமாய் வழிந்தோடும்   வியர்வைக்குள் வாழ்க்கை/

ஈருருளி உருளுகையில்  உயிரேந்தும் மூச்சில்/

ஈரமாய் படியுமே  ஏழ்மையின் சுவடே/

இரவும் பகலுமறியாத   சுமையேற்றும் உழைப்பினில்/

இணைந்திட்ட உறவுகளும்  வாழப் பழகுமே/

அடுத்தவர் தயவேந்தா  ஆணிவேராய் மனசும்/

வடுக்களை உரித்தெடுக்கும்  பக்குவமும் வளர்ந்திருக்கு/

பாடுபட்டு உழைப்பதெல்லாம்  எண்சாண் உடம்பிற்கே/

தடுமாற்றம் காணா  எளிமைக்குள்ளும் உயர்விருக்கு/

ஜன்ஸி கபூர்