இணைய மோகம்

தொலைபேசி அலைவினால் கைக்குள் உலகம்/

தொல்லையே மூலதனமாய் மெய்க்குள் அவலம்/

தொடர்ந்திடும் இணையத்தின் துடிப்பலை நகர்வில்/

தொய்வின்றி கழிக்கின்றதே வாழ்வியல் நடப்பும்/

இணையத்தின் தவிப்பினில் இளைப்பாறிய கருவும்/

இணைந்திடுதே இப்போதெல்லாம் இரவு பகலறியாது/

உறவுகள் தொலைவினில் உள்ளங்களோ தனிமையினில்/

நறவு வாழ்வுக்குள்ளும் போதையாய் வலைத்தளங்கள்/

உலக விரிபரப்பின் தொழினுட்பச் சுருக்கம்/

அவலத்தின் அறைகூவலுடன் தரிசாக்கும் தளிர்களையும்/

ஜன்ஸி கபூர் - 23.08.2020