உழைப்பை உறிஞ்சும் அட்டைகள்

 சுட்டெரிக்கும் வெயிலும்  தேகத்தைப் பருகிட/

வாட்டமே வாழ்வாகத் தேயிலைத் தோட்டத்தில்/

பறித்திடும் கொழுந்தும் சிவக்குதே ஏழ்மையில்/

அறிந்திடாக் கபடத்தில் வாழ்வும் பலியாகுதே/

பஞ்சத்தில் வெந்திடும் நெஞ்சத்தின் ஏக்கத்தை/

அஞ்சாமல் சுரண்டிடுதே  வஞ்சக முதலைகள்/

தொழிலாளி நலத்தை விழுங்கிடும் முதலாளித்துவம்/

தொல்லைமிகு அட்டையாக  உழைப்பையும் உறிஞ்சுகிறதே/ 

ஜன்ஸி கபூர்