பிஞ்சுகளின் தேடல்

 

நெஞ்சத்தின் வேதனை கிழிக்கின்ற மனதும்/

அஞ்சுகின்றதே தினமும் வலியினைக் கண்டே/

பிஞ்சின் கனவுகளைச் சிதைக்கின்ற மானிடர்களின்/

வெஞ்சமரில் வேகுதே விளையாட்டுப் பருவம்/

துளிர்க்கின்ற உணர்வுகளைப் புரிந்திடாப் பெற்றோர்கள்/

அளிக்கின்ற சுமைகளில் கருகுகின்றதே ஆசைகள்/

உளியாகும் விரல்கள் செதுக்கின்ற புதுமைகள்/

ஊக்கம் காணாமலே ஊமையாகி முடங்குதே/

படிக்கின்ற வயதில் வடிக்கின்ற கண்ணீர்/

படியுதே வாழ்வினில் முட் சுவடுகளாக/

சிறகுகளை நனைக்கும் உழைப்பின் வியர்வையால்/

சிறார்களின் எதிர்காலம் விடியலின்றி இருளாகுதே/

வறுமையும் வாட்டமும் முடிவில்லாமல் தொடர்கையில்/

வழி தெரியாப் பயணத்தில் பாதங்கள்/

அழிகின்ற வண்ணங்களாய் ஆகுகின்றதே இன்பங்கள்/

அனலுக்குள் தவிக்கின்றதே தேடல் பாதைகள்/

ஜன்ஸி கபூர்