வீர மங்கை

அடுக்களை விதியென்று ஆக்கிய மானிடர்/

அதிசயத்து விழிபிதுங்க அரசாளும் பெண்ணிவள்/

காற்றும் அதிர்ந்திடும் காரிகை வீரத்திலே/

தூற்றும் பகைதனை துணிவோடு வேரறுக்க/

பறக்கின்றாள் புரவியினில் பாவையும் முழக்கத்தோடு/

சிறக்கின்றாள் புவியினில் சிரிக்கின்றாள் தாய்மையுடன்/

கையேந்தும் வாளினில் கைதியாவர் பாவிகளே/

கைப்பற்றும் ஆணவத்தில் கரைந்திடுவார் கலக்கத்துடனே/

வலிமையோடு வலியகற்றும் வல்லமைமிகு பெண்ணாய்/

வம்சம் துளிர்த்திட வழிதனைப் படைப்பாளே/

ஜன்ஸி கபூர்