மன வலிமை

 

மண்ணில் பிறப்பெடுத்த உயிர்கள் அனைத்துமே/

தன்னைத் தாழ்த்துவதில்லை அற்புத வாழ்வினிலே/

தளர்ந்திடாத தன்னம்பிக்கையை மனதில் ஏந்தி/  

தலைநிமிர்கின்றேன் நானும் உக்கிரம் கொண்டே/ 

கண்ணாடியின் விம்பத்தில் பூனைத் தோற்றமே/

எண்ணத்தின் வடிவமாய் வலிமைச் சிதறல்களே/

அறிந்திடுவாரோ அகமேந்தும் முரணின் நாட்டத்தை/

புரிந்திடுவாரோ பதுமை ஏந்தும் தீப்பிழம்பை/

உருவம் பார்த்து எடை போடுவோரே/

உணர்ந்திடுவீர் வேற்றுமை கொண்ட மனதினை/

ஜன்ஸி கபூர்