முருங்கை

விரும்பி உண்ணும் முருங்கைக்குள் மருத்துவமே

அரும்பிய இலைகளும் தருமே ஊட்டத்தை

குருதியைச் சுத்திகரித்தே சுவாசத்தைச் சீராக்குமே

முகப்பருவினை நீக்கியே விரட்டுமே சூட்டினை

முருங்கையின் வலிமைக்குள்; சிறுநீரகமும் பலமே

மலட்டினையும் விரட்டி நலமாக்கும் வாழ்வினை

மலச்சிக்கல் நீங்க இதமாகும் உடலும்

அழகைப் பேணிட முடியும் நீளுமே

சளியைக் கரைத்து சந்தோசம் நிரப்புமே

சத்துள்ள இலையும் சொத்தே ஆரோக்கியத்திற்கு

வீட்டினில் வளர்த்தே பயனடைவோம் தினமும்

சித்த வைத்தியத்தால் சித்தமும் குளிர்வோம்

ஜன்ஸி கபூர்