கயல்விழிப் பார்வையாலே கைதுசெய்து போகாதே

 

கயல்விழிப் பார்வையாலே கைதுசெய்து போகாதே/

புயலெனச் சுழற்றும் உணர்ச்சிக்குள் வீழ்த்தாதே/

மயிலுன்னைத் தழுவவே துடிக்கிறதே ஆசைகள்/

துயிலுக்குள் வீழ்ந்திடவா கனவுக்குள்  ரசித்திட/

செவ்விதழ் சிந்தும் தேனைச் சுவைத்திட/

சிறகு விரிக்கின்றேன் உன்னுள் படர்ந்திட/

திரை விரிக்கின்றாயே வெட்கத்துக்குள் மறைந்து/

தித்திப்பின் சுகத்தில் மூழ்கிடவா சுகமாக/

வெண்சங்குக் கழுத்தைத் தழுவிடவா மாலையாகி/

விரல்கள் தினமும்உன்னை மீட்டிடவா/

வெண்பனித் தூறலால் எனக்குள் பூத்தூவும்/

சின்னத் தாமரையே சிலிர்க்குதே தேகமே/

இருதயத் துடிப்பினுள் இரகசியமாக நுழைந்தவளே/

இரசிக்கின்றேனே இன்பம் உரசும் உன்னுறவை/

கொலுசின் ஒலிக்குள் கொழுவுதடி தவிப்புக்கள்/

கொஞ்சுகின்றாய் பார்வையாலே தஞ்சமடி உன்னிழலில்/

ஜன்ஸி கபூர்