விரிவாக்கமும் விளைச்சலும்

விரிந்திடும் அபிவிருத்தி விரட்டுது மாந்தரை 

விரித்திடும் வலையிலும் சிக்கவும் வைக்குது 

அரித்திடும் கறையானாய் வேரினைப் பிடுங்குது 

அழகென்ற பெயரினில் அவலமும் ஊட்டுதே 

விரிவாக்கம் செய்கையில் சுருங்கிடுமே வளங்களும் 

வியப்பூட்டும் வீதிகள் கண்ணீரிலே நனைந்தோடும் 

கண்ணை விற்றே வாங்கிடும் அழகால் 

பண்ணை வயல்களின் உயிர்த்துடிப்பும் அறுந்திடும் 

எண்ணற்ற தெருக்கள் புண்ணாக்கும் வயல்களை 

எண்ணங்களில் சோகம் வார்த்திடும் அகோரமாய் 

ஊரையே அழித்திடும் நவீனத்தின் ஓட்டத்தால் 

உயிர்களின் சாபமே பெரும் விளைச்சலாகும் 

ஜன்ஸி கபூர்