உதிரிப்பூக்கள்

 

வலியின் வலிமையில் வாழ்வது மூட/

வயதின் ஏற்றத்தில்  வனப்பது உதிர/

வாழ்கின்ற வனிதையும் வகுத்திடும் விதியோ/

வழிகின்ற நீரும் வருத்திடும் முதிர்கன்னியென/

உதிரும் நாட்களில் உறைகின்றதே ஆரோக்கியம்/

உன்னத வாழ்வினை உருக்குலைக்கும் தீநுண்ணிகள்/

உருவாக்கும் மரணங்களால் உதிரிப்பூக்களாகத் தேகங்கள்/  

உருவாக்கப்படுகின்ற நவீனத்தால் உறங்குகின்றன உயிர்கள்/

அரும்பிடும் முன்னர் அவலக் கறை/

அணைக்கின்ற காமம் அறுத்திடும் மூச்சை/

அழகிய ஆன்மாவுக்குள் அறைகின்றதே வன்புணர்வை/

அகிம்சை இற்றுப்போக அடைக்கலமாகின்றன சமாதிக்குள்/

வெஞ்சினம் கரைத்தே வெந்நீர் பூசும்/

வெறுக்கும் சமரினில் வெட்டப்படும் தேகங்கள்/

வெறுமை பூமிக்குள் விதைக்கப்படுகின்றன உதிரிகளாகி/

வெல்லுகின்ற வன்முறைகள் வெட்கப்படா கலியுகமிது

ஜன்ஸி கபூர்