அன்பால் உழுவோம்

 

பசுமை போர்த்தும் பரந்த வெளியில்/

பயிரின் சிரிப்பில் விளைச்சல் செழிக்கும்/

காற்றின் அலைவில் நாற்றும் இசைக்கும்/

கானம் நெஞ்சில் மோதி இரசிக்கும்/

நெற்றி வியர்வை வீழ்த்தும் முத்துக்கள்/

நெஞ்சக் கவலைதனை அழிக்கும் சொத்துக்கள்/

விதைக்கும் உழைப்பும் விளையும் பொன்னாக/

விலகும் துன்பத்தால்  உலகும் உயிர்க்கும்/

இயற்கை அழகைச் சிதைத்திடா உழவிலே/

இதயம் பிணைப்போம் பஞ்சமும் நீங்க/

அன்னை பூமியை அணைத்தே பயிரிட்டு/

அன்பால் உழுவோம் வாழ்வும் உயரவே/    

ஜன்ஸி கபூர்