நாணயம்

நம்பிக்கையை மனதிலேற்றி நம்மை நகர்த்திடும்/

நாணயமே ஆள்கின்றதே மனித வாழ்வினை/

நிலைமாறும் உலகைப் பற்றும் அச்சாணியிது/

நீங்குமே நுகர்வினால் நீடிக்கா  செல்வமாகி/

நுட்பமான சேமிப்பும் காக்குமே எதிர்காலம்/

நூதனசாலைகள் பேணிடுமே பழமைத் தோற்றங்களை/

  

நெஞ்சக் கலக்கம் நீக்கிடும் பொக்கிசமிது/

நேர்மையும் நாணயப் பண்பும் கொண்டோர்/

  

நொந்திடார் அவலங்களால் நிறைந்திடுவார் நிம்மதியினால்/

நோவும் துறந்தே மகிழ்ந்திடுவார் பொழுதெல்லாம்/

ஜன்ஸி கபூர்