கடிகாரம் உணர்த்தும் பாடம்

 

தேடல்மிகு வாழ்வின் ஒவ்வொரு நகர்விலும்/

தேடிக் கலக்கிறதே கடிகார முட்கள்/

நாடிப் பற்றிடுவோம் அதன் பண்புகளை/

ஓடிவிடுமே துயரும் செழித்திடுமே வாழ்வும்/

முன்னோக்கிச் செல்லுகின்ற முட்களைப் போல்/

முன்னேற்றம் கண்டே மகிழ்ந்திடலாம் செயல்களில்/

குறித்த ஒழுக்கினில் சுற்றும் கடிகாரம்போல்/ 

பற்றிடுவோம் நாமும் கலாசார விழுமியங்களை/

மின்கலம் இன்றியே இயங்கிடுமோ இதுவும்/

வேண்டுமே நமக்கும் ஊக்கத்துடனான உழைப்பும்/

தாமதிக்கும் நிமிடங்கள் நழுவுமே வெற்றிகள்/

தரணியின் உயிர்ப்புக்கும் இதுவோர் அடையாளமே/

 ஜன்ஸி கபூர் - 23.10.2020