வெற்றியும் தோல்வியும்

 

 

வீழ்கையில் எழுவது ஆற்றலின் பலமே/

மூழ்கினாலே முத்துக்களைத் தொடுகின்றது கரமும்/

வெற்றியும் தோல்வியும் முயற்சியின் பலனே/

கற்றிடலாம் பாடங்களை பெற்றிடலாம் அனுபவங்களை/ 

தவறிப் போகின்ற ஒவ்வொரு சந்தர்ப்பங்களும்/

தரிக்கின்றதே பிறிதொரு நன்மைக்குள் என்றுமே/

குறைகளைக் கண்டறிந்தால் துலங்குமே நிறைகளும்/

குன்றாப் புகழில் இணைக்குமே நம்மையுமே/

சிறப்பான எண்ணத்துள் சிறகடிக்கும் நல்லறிவு/

சிந்தையை ஆள்கையில் உணர்கிறோம் உயர்வை/

விந்தை வாழ்வுக்குள் விளையாடும் விதியென/

விமர்சிக்கின்றோம் நாமும் தோற்ற பொழுதுகளை/

கழிகின்ற பொழுதுகளை கருத்தோடு செலவழிக்கையில்/

வழிகின்றதே உற்சாகம் வருத்தமும் தொலைகிறதே/

விடிகின்ற பொழுதுகளில் படிகின்றதே ஆனந்தம்/

விருப்புடன் உழைக்கையில் எதிர்காலமும் உயர்கிறதே/

ஜன்ஸி கபூர் - 6.12.2020