அதிகாலை வேளையிலே

வைகறைப் பொழுதில் சிதறுகின்ற சந்தனம்/

கறை ஆகிடமோ நீள் வானுக்குள்ளும்/

திறையும் விரித்திடாமல் விலகும் முகில்கள்/

மறைக்கவுமில்லை ஏந்துகின்றன ஆதவன் நிழலினை/

 

கனவுகளைப் படித்த இரவுகள் விழிக்கையில்/

கானமும் ஒலிக்குதே பறவைக் குரல்களில்/

மெல்லிய குளிரும் மோதுகின்ற காற்றில்/

மெல்லத் திறக்கின்றதே பூக்களின் வாசமும்/

பசுமைவெளிகளில் அழகாக வெடிக்கின்ற பனித்துளிகள்/

படர்கின்றன முத்துக்களைக் கோர்த்தவாறு பாதைகளில்/

மடலும் வரைகின்றதோ கதிர்களின் காதலும்/

உடலும் பளபளக்க உற்சாகத்தில் பறவைகள்/

சோம்பலைத் துடைத்தே சோபையினை அணிந்த/

விசும்பின் புன்னகைக்குள் உயிர்களும் மகிழ்ந்திட/

பறக்கின்றதோ மலர்களும் வண்ணாத்துப் பூச்சிகளாகி/

நறவினைச் சுவைத்திட துடிக்கின்றதோ சிறகுகளும்/

உழைப்பினை உரமாக்குகின்ற விடிகாலைப் பொழுதினுள்/

அழைக்கின்றதே ஆனந்தமும் மனதினை மெல்ல/

பூபாளச் சத்தத்தில் நாதமிடுகின்ற பொழுதினை/  

நானும் ரசிக்கின்றேன் உள்ளமும் உவந்திட/

ஜன்ஸி கபூர் - 11.12.2020