எனக்கே எனக்கா

வெண்ணிலா மெல்ல இறங்கியது மடியினில்/

கண்களோ தென்றலைத் தழுவியது ஆசையுடன்/

மண்ணும் மின்னியது செல்ல நடைதனில்/

எண்ணற்ற இன்பத்தில் குவிந்தது மனமும்/

 

பிஞ்சு விரல்களின் கொஞ்சும் அன்பால்/

நெஞ்சினில்;  தேனும் வருடியதோ இதமாக/

மழலை மொழிதனில் மலர்கின்ற  சிந்தைக்குள்/

அழகின் அகராதியும் மனப்பாடம் ஆனதே/

எனக்கே எனக்கா கிடைத்திட்ட வரத்தினை/

தாய்மை நிழலுக்குள் போர்த்திக் கொண்டேன்/

தரணி வாழ்விற்குள் அர்த்தமும் கண்டேன்/

அடுத்தார் பலித்திடாது கிடைத்ததே செல்வமாகி/

ஜன்ஸி கபூர் - 21.12.2020