கன்னமிரண்டும் கிள்ளாதே

விழிகள் நான்கும் பேசுகின்ற அன்பிலே/

விழுகின்றேனே நானும் உன்றன் மனதுள்/ 

விரல்கள் பேசிடும் மொழியில் மெல்ல/

விரிகின்றதே நாணமும் நனைகிறேன் நானுமே/

 

சொருகுகின்றாய் காந்தப் புன்னகையை நெஞ்சில்/

சொக்கி நிற்கின்றேனே நினைவுகளை வருடியே/

செதுக்குகிறேன் சொந்தமாக உன்னையே என்னில்/

சோகத்தை உதிர்க்கின்ற சுகமும் நீதானே/

கன்னமிரண்டும் கிள்ளாதே சிலிர்க்குதே உயிருமே/

கன்னியென்னை மூடுகின்றாய் உன்றன் நிழலாலே/

 

 ஜன்ஸி கபூர் - 25.10.2020