அன்னப் பெடையே நாணமேனோ

 

பிறை நெற்றியில் படர்ந்திடும் கூந்தலைப்/

பின்னியதோ கார்மேகமும் கற்பனையும் சுவைக்கின்றதே/

கசிகின்ற அன்பினால் உனையே மீட்டுகின்றேன்/

கரும்பினைப் பிழிகின்றாய் மனதின் ஓரங்களில்/

கூர் விழிகளும் வீழ்த்திடும் மோகத்தில்/

சூடினேன் உனையே செதுக்குகின்றாய் நினைவுக்குள்/

சிரிக்கின்றாய் உதிர்கின்றனவே பௌர்ணமித் துகள்கள்/

பறிக்கின்றேன் தென்றலே உனையே சுவாசத்துள்/

விரலும் தீண்டா மென் காதலால்/

உரசினேன் உன்றன் உயிரினை அன்பே/

சிவக்கின்றாய் சிந்தைக்குள் எனையும் சிறைப்பிடித்தே/

ரசிக்கின்றேன் அன்னப் பெடையே நாணமேனோ/

ஜன்ஸி கபூர் - 14.10.2020