நெஞ்சு அலையுதடி

 

நெஞ்சுக்குள்ள அலையுதடி உன்னோட நினைப்புத்தான்/

கரும்பும் ஒளிக்குதடி உதட்டின் மொழிக்குள்ள/

கடலும் சுருளுதடி சின்ன விழிகளுக்குள்ள/

மனசும் துடிக்குதடி உன்னோட வாழந்திடவே/

காற்றிலே கரைக்கிறே வாசத்தை தினமும்/

காதலை ஊத்துறீயே தவிக்கிற உணர்வுக்குள்ளே/

மோதுறீயே விழியாலே வீழ்கிறேன்டி வலியின்றி/

தங்கச் சிற்பமே தழுவடி உயிர்ப்பேனடி/

கொட்டுற மழைக்குள்ள நனைகிறேன்டி நானும்/

வெட்டுற மின்னலாப் பூக்குறே அருகாக/

என்னைத் தொட்டுக்கொள்ளடி விரலும் வெட்கப்பட/

பனியைத் தூவுறீயே இரவும் குளிருதடி/

உன்னோட பாசம் மிதக்குதடி நிழலா/

விண்ணுக்கும் கேட்குதடி உன்பெயர் நிலவா/

ஆசைகளைப் பேசுகின்ற கனவுக்கும் தூக்கமில்லை/

அனலுக்குள்ள எரிகிறேன்டி தழுவடி பூந்தென்றலே/ 

ஜன்ஸி கபூர் - 9.11.2020